Sálarfrøðingur til Títt Rúm

Títt Rúm hevur eitt áhugavert og fjøltáttað farloyvisstarv sum sálarfrøðingur leyst at søkja.  

Ert tú álitisvekjandi, opin og samstarvssinnað/ur? Brennur tú fyri at gera mun ímillum børn, ung og vaksin, sum hava ella hava havt rúsbundin foreldur og at veita einstaklinga- og bólkaviðgerð? Ynskir tú at arbeiða við ráðgeving og viðgerð av foreldrum, sum uppliva rús sum eina avbjóðing í sínum foreldraleikluti ella í sínum nærsambondum? Og at vera við til at menna hjálpina og yrkisførleikarnar innan familjuarbeiði í Føroyum í mun til rús? So er hetta rætta starvið til tín. 

Talan er um farloyvisstarv í eitt ár. 

Um Títt Rúm 

Títt Rúm er eitt fyribyrgjandi viðgerðartilboð til øll í aldrinum 0-35 ár, sum hava foreldur, sum hava ella hava havt rústrupulleikar, og familjur teirra. Talan er um eitt ókeypis lággáttartilboð, sum er partur av fyribyrgingardeildini hjá Bláa Krossi Føroya. 

Viðgerðin í Títt Rúm verður tillagað til tørvin hjá teimum, sum venda sær til Tìtt Rúm. Tískil bjóðar Títt Rúm fleiri ymiskar viðgerðir, herundir: 

• Bólkatilboð til ymiskar aldursbólkar 
• Foreldrabólkar til foreldur í barnsburðarfarloyvi og Circle of Security Parenting bólkar 
• Einstaklingaviðgerð 
• Foreldraráðgeving og -viðgerð 
• Familjuviðgerð 
• Parviðgerð 

Eisini arbeiða vit í Títt Rúm við kunnandi og fyribyrgjandi virksemi í mun til rús bæði á ymiskum miðlum, á skúlum og stovnum og til ymisk viðkomandi tiltøk. 

Førleikakrøv 

Vit søknast eftir starvsfelaga, sum: 

• Hevur útbúgving sum sálarfrøðingur 
• Hevur góðar førleikar at samstarva og til sjálvstøðugt at leggja til rættis og útføra egnar arbeiðsuppgávur 
• Hevur áhuga fyri í samstarvi við leiðslu og starvsfelagar at luttaka í víðari menning av arbeiðnum hjá Títt Rúm 
• Tekur undir við Blákross hugsjónini 

Vit bjóða 

• eitt spennandi starvsøki í støðugari menning 
• eitt arbeiðsumhvørvi við denti á yrkisføri og menning 
• tætt samstarv við starvsfelagar í einum vælvirkandi toymi 
• viðkomandi supervisión 

Setanarviðurskifti 
Talan er um fulltíðarstarv, men møguleiki er fyri at arbeiða niðursetta tíð. Starvsheitið er sálarfrøðingur. Setanar- og lønartreytir eru sambært avvarðandi sáttmála. Setanarstaðið er Títt Rúm í Kongagøta 8, Tórshavn. 

Umsókn saman við CV, prógvum, viðmælum v.m. skal vera okkum í hendi í seinasta lagi 25. okt.  kl. 12.00. 
Byrjað verður í starvinum 1. des. ella skjótast eftir tað. 

Sambært §2 í barnaváttanarlógini hevur Títt Rúm skyldu til at fáa barnaváttan til vega, áðrenn umsøkjari verður settur í starv. 

Nærri fæst at vita um starvið, við at venda sær til Alisu Hammer, leiðara í Títt Rúm t-post: alisa@blakross.fo, ella tlf. 770 709. 

Umsóknin skal sendast til: tittrum@blakross.fo
Att.: Alisa Hammer